Fréttabréf  2006-2007

 

Frá umdæmisstjórn

Kæru Inner Wheel félagar

"Gott er að eiga góða að " segir einhversstaðar og er það hverju orði sannara . Að taka við af fráfarandi umdæmisstjóra Guðrúnu B. Jónsson var ekki erfitt, ef litið er á hversu vel og skipulega hún og hennar samstarfskonur höfðu haldið utan um öll  gögn og viljum við því bera þeim okkar bestu þakkir . Jafnframt viljum við bera þeim okkar bestu þakkir og óskum þeim alls hins besta um ókomin ár.

Þá vil ég þakka allar þær hlýju móttökur sem ég fékk í heimsóknum mínum í vetur í klúbbana og var virkilga ánægjulegt að kynnast starfi ykkar.

Samstarfið hjá okkur í umdæmisstjórninni er búið að vera frábær tími og að það skuli vera að styttast í annað þing verði haldið er með ólíkindum . Umdæmisþingið verður haldið í Fjölbrautaskóla Suðurnesja þann 9 júní og er dagskrána að finna annars staðar í blaðinu. Að þessu sinni verða samtímis haldin umdæmisþing Rótarý og umdæmisþing Inner Wheel. Vonumst við til þess að sem flestar konur sjái sér fært að koma hingað suður á þingið. Okkar von er að við megum eiga síðan góða stund í góðra vina hópi í Eldborg á laugardagskvöldinu, þar sem sameiginlegt lokahóf  beggja umdæmana verður haldið með kvöldverði og skemmtiatriðum.

Ákveðið var að endurnýja heimasíðuna og gera hana þægilegri og auðveldari í notkunn.Gerður var samningur við fyrirtækið Allra 8.is og er hún komin í gagnið með vefslóðinni www.innerwheel.is . Vonum við að hún eigi eftir að gagnast ykkur vel í framtíðinni.

Tilvlið væri að færa inn á síðuna ábendingar til annarra klúbba um áhugavert efni á fundina eða eitthvað sem ykkur fyndist tilvalið að miðla til annarra Inner Wheel kvenna.

 

 

Með Inner Wheel kveðju og ósk um góðar stundir.

f.h. umdæmisstjórnar

Ingibjörg Magnúsdóttir

Umdæmisstjóri IW 2006-2007

 

 

 

 

 

------------------------------------------------------------------------------------------------------------------------------------

 

                             Umdæmisþing Inner Wheel

 

                                                       9. júní í Fjölbrautaskóla Suðurnesja

____________________________________________________________________________

 

                      Kl. 10.30            Skráning og kaffi

                      Kl. 11.00             Formót sett  -   kynning þáttakenda

                      Kl. 11.45             Formóti slitið

                      Kl. 12.00             Hádegisverður - í Fjölbrautaskóla Suðurnesja

 

                      Kl. 13.00             Þingsetning -

                                                   Umdæmisstjóri Ingibjörg Magnúsdóttir

 

                              *                    Tónlist Hanna Konnráðsdóttir spilar á fiðlu

                              *                    Kjör fundarstjóra og ritara

                              *                    Kynning þingfulltrúa

 

                              *                     María Th. Jónsdóttir formaður FAAS terkur við

                                                    ágóða  rósasölu.

                              *                    Ávarp : Forseti Rótarý Keflavík

                                                    Guðjón Guðmundsson

                              *                    Þingstörf

                                                    Fundargerð síðasta umdæmisþings lesin

                                                    Skýrsla umdæmisstjóra 

                                                    Reikningar 2006-2007

                              *                    Ákvörðun árgjalds fyrir starfsárið 2007-2008

 

                              *                    Kjör umdæmisstjórnar 2007-2008

                                                    -  varaumdæmisstjóri

                                                    -  umdæmisritari

                                                    -  umdæmisgjaldkeri

                                                    - tveir skoðunarmenn reikninga

 

                               *                   Önnur mál

                      Kl. 15.00               Þingslit                                     

 

 

 

                                                    Kynning Bláa Lónsins á nýjustu framleiðslu þess ásamt    

                                                    fleirum fyrirtækjum af Suðurnesjum

                                                    í Fjölbrautaskóla Suðurnesja         

                                    

 

 

 

 

 

                     Kl.  18-19             Móttaka i boði Hitaveitu Suðurnesja h/f

                                                   (rútuferð frá hóteli)

 

                     Kl. 19.30              Hátíðarsamkoma í Eldborg í Svartsengi

            

                                                   Inner Wheel  og Rótarý Umdæmis

                                                   Hátíðarkvöldverður

                                                   Skemmtiatriði og dans

 

 

 

 

 

                                                   Hótelgisting - tilboð

 

                                                   Hótel Keflavík og Flughótel Keflavík bjóða gistingu til Rótarý og 

                                                   Inner Wheel  félaga á tilbðsverði á meðan húsrúm leyfir.

                                                   félaga á tilboðsverði á meðan húsrúm leyfir. Eins manns herbergi

                                                   á   kr. 10.800  og  tveggja manna herbergi á 13.800 með

                                                   morgunverði.

 

                                                   Bókanir á bæði hótelin hjá Hótel Keflavík í síma 421-7000

 

 

------------------------------------------------------------------------------------------------------------------------------------

 

               Velkomnar á umdæmisþing í Reykjanesbæ

 

 

                       Inner Wheel klúbbur Keflavíkur stendur nú á mekum tímamótum en

                       klúbburinn átti þrjátíu ára afmæli 15. janúar sl. Það er okkur sönn ánægja

                       að fá tækifæri á að bjóða ykkur  til  umdæmisþings  í  Reykjanesbæ.  Við  

                       vonumst vissulega til þess að sem flestar Inner Wheel konur mæti til þingsins

                       Þetta er í þriðja sinn sem umdæmisstjórinn kemur frá okkar klúbbi og því

                      sömuleiðis í þriðja sinn sem klúbburinn okkar sér um framkvæmd þingsins.

                      Síðustu  ár hefur Inner Wheel haldið sjálfstætt umdæmisþing aðskilið frá 

                      umdæmisþingi Rótarý. En í þetta sinn verður umdæmisþingið haldið á sama 

                      stað og á sama tíma.

                      Það er okkur mikið metnaðarmál að vel takist. vandað hefur verið til

                      dagskrá þingsins og hefur sérstök undirbúningsnefnd ásamt félögum

                      umnnið mikið og óeigingjarnt starf svo það megi takast sem best.

                      Við ætlum að vera sýnilegar á meðal Rótarýmanna og eiginkvenna  þeirra

                      og reyna að kynna Inner Wheel fyrir þeim konum

                      sem   ekki hafa   kynnst starfseminni .                     

                      Vonandi kemur þingið til með að endurspegla þann kraft, hlýju og félagsanda

                      sem hefur einkennt starf klúbbsins okkar og verða öllum Inner Wheel klúbbum

                      hvatning til góðra verka á komandi árum.

 

                     Hjartanlega velkomin til þessa 20 umdæmisþings og megum við eiga

                     ánægjulega daga saman hér í Reykjanesbæ helgina 8.-9. júní n.k.

 

                    Agnes Geirsdóttir

                    Forseti Inner Wheel  klúbbs  Keflavíkur.

 

 

 

_____________________________________________________________________________

 

 

                                                      Kveðja frá Inner Wheel Reykjavík.

 

                      Þetta starfsár er það 34. í röðinni og félagar eru um 70 talsins. Væntanlega mun sú

                      tala hækka um 4 í febrúar.

                      Fundir eru haldnir í Sunnusal Hótel Sögu annan miðvikudag hvers mánaðar.

                      Fundarsókn mætti vera betri en um það bil 30 konur sækja fundi að jafnaði.

                      Reynt er að hafa fjölbreytt efni á fundum.

                      Á fyrsta fundi haustsins sögðu þær Guðrún B. Jónsson og Guðrún Sigurjónsdóttir

                      frá síðasta alþjóðaþingi og ferðalagi um Nýja Sjáland, en þar var þingið haldið.

                      Var það fróðlegt  og skemmtilegt enda fylgdi myndasýning frásögn þeirra.

                      Í nóvember fengum við góða gesti frá Inner Wheel Keflavík með Ingibjörgu

                      Magnúsdóttur umdæmisstjóra í fararbroddi.

                      Jólafundur var með hefðbundnu sniði, tónlistar atriði, hugvekju og söng fyrir

                      utan jólamat og möndlugjöf.

                      Í janúar er spiluð félagsvist og árshátíð er haldin í mars. Venja er að styrkja

                      eitthvert gott málefni á hverju ári og safnað í sjóð til þess á jólafundi og með

                      happadrætti á árshátíð. Hattafundur er í apríl og á maífundi afhendum við styrkinn.

                      Þá fáum við upplýsingar um starfsemi samtakanna, sem hans njóta.

                      Vorferð er alltaf á dagskrá og brunar þá þéttsetin rúta úr bænum með glaðan

                      hóp kvenna. Stefnan er tekin á markverða staði og snætt saman annaðhvort

                      í sumarhúsi eða veitingastað.

                      Félagsskapurinn er mikilvægur og við sýnum hlýhug og vináttu í verki. Við

                      þökkum samstarf og heimsóknir annarr klúbba og sendum kærar kveðjur

                      til umdæmis 136.

 

 

_________________________________________________________________

 

                                               Fréttapistill frá I.W. Kópavogi.

   Starf klúbbsins hefur verið með miklum blóma það sem af er vetri,fundir verið vel sóttir

af félagskonum auk margra gesta.

   Í febrúar voru liðin 20 ár frá stofnun Inner Wheel klúbbs Kópavogs. Af því tilefni var

haldinn afmælisfundur á Hótel Loftleiðum þann 14.febrúar. Þar var margt til gamans

gert,lesið upp m.a. málshættir og orðskviðir, sungið við gítarundirleik og að sjálfsögðu

mikið spjallað. Fyrrverandi I.W. félögum var sérstaklega gefinn kostur á að vera með

okkur á þessum fundi og var góð þáttaka hjá þeim auk annarra góðra gesta, enda

gaman að hittast, rifja upp gömul kynni og efla ný.

   4 konur gengu í klúbbinn á þessum afmælisfundi auk þess sem ein kona gerðist

félagi í október. Þessi fjölgun í klúbbnum okkar er auvitað sérstakt gleðiefni og eru

nýjar I.W. konur boðnar innilega velkomnar.

   Afmæliskvöldið heppnaðist vel og leið reyndar heldur fljótt í þeim ljúfa anda sem

alltaf skapast þar sem I.W. konur og gestir þeirra koma saman.

 

miđvikudagur 20 september 09 2017
Nýjustu fréttir
Í bréfi sínu segir Dr. Kapila Gupta meðal annars að ekki eigi að skilgreina konur eftir því hverjar...
18. alþjóðráðstefnan verður í Melbourne í Ástralíu.Val Corva, sem er er...
Kæru Inner Wheel félagarUmdæmisþingiðNú þegar styttist í vorið stefnir hugurinn til...